Bir şeyin sizə təsir etməsindən əvvəl, onun sizi nə qədər incidəcəyini gözləyirsiz?

Barmağınızı isti sobaya vursanız, incidəcəyini bilirsiniz. Lakin əvvəlcədən özünü ağrının o qədər də pis olmayacağına inandırsanız, o qədər də əziyyət çəkməyəcəksiniz. Yeni bir araşdırmaya görə beyninizin şiddətli ağrılara reaksiya verən hissəsi, eyni zamanda ağrının gəlməzdən əvvəl necə hiss etdircəyini gözləyən hissəsidir.

Beyninizin işləmə formasına görə, əvvəlcədən zədələnmənin nə qədər ağrılı olduğunu fikirləşmək əsl zərər zaman nə hiss etdiyinizə təsir edə bilər.

Tədqiqat üçün, Winston-Salem N.C.-nin Wake Forest Tibb Universitetinin araşdırmaçıları, 24 yaşdan 46 yaşa qədər olan 10 könüllü ilə işləyiblər. Hər könüllü, aşağı sağ ayağına 20 saniyə uzunluğunda istilik verəcək bir cihaz geyinmişdi. İstilik ayaqda yüngül, orta və güclü ağrı yaradacaq üç səviyyədə idi, lakin heç biri dərini yandıracaq və ya zədələyəcək dərəcədə deyildi.

Təlim zamanı könüllülər, ton və istilik nəbzinin arasındakı vaxt uzunluğunu nəbzin intensivliyi ilə əlaqələndirməyi öyrəndi. 7 saniyəlik bir aralıq

istinin mülayim olacağını göstərirdi. 15 saniyəlik bir aralıq istinin orta dərəcədə ağrı verəcəyini göstərdi. 30 saniyəlik bir geriləmə isə ağrının şiddətli olacağını göstərdi. Bir-iki gün sonra əsl təcrübə başladı. Beyindəki qan axınını ölçən bir skanerə qoşularaq könüllülər 30 istilik nəbzi sınaqlarından keçdilər. Zamanın üçdə bir hissəsi elm adamları siqnalları elə dəyişdirdi ki, iştirakçılar müəyyən bir vaxt aralığını gözləməyi öyrəndiklərindən fərqli bir səviyyədə ağrı aldılar.

Bu beyin taramasındakı sarı nöqtələr, könüllülərdə ağrılı bir istilik nəbzini gözləyərkən aktiv olan sahələri göstərir. O hissələrin əksəriyyəti həm də əsl ağrıya cavab olaraq ortaya çıxır.

Tədqiqatçılar, beynin öyrənmə, yaddaş, duyğu və toxunma ilə əlaqəli hissələrinin, könüllülərin daha yüksək ağrılar gözlədikləri zaman daha aktiv olduqlarını tapdılar.

Bunlar, əsasən, iştirakçıların həqiqətən ağrı hiss etdiklərində aktivləşən sahələr idi. Maraqlıdır ki, könüllülər yüngül və ya orta dərəcədə ağrılar gözlədikləri, lakin yerinə şiddətli ağrı aldıqları zaman həmin ağrını, şiddətli ağrını gözləyib alandan 28 faiz daha az hiss etdiklərini bildirdilər. Bu hekayələrdəki rahatlama, sanki morfin kimi güclü ağrı kəsici bir dərmanı qəbul eləyiblərmiş kimi idi.

Digər tərəfdən könüllülər çox gözlədiklərindən daha az ağrı aldıqda, daha çox ağrı hiss etmədilər.

Yeni araşdırma ağrının həm fiziki, həm də psixoloji elementlərə sahib olduğunu vurğulayır. Ağrının düşüncə və beyində necə işlədiyini başa düşmək, həkimlərə, insanlara ağrılı tibbi müalicələrin öhdəsindən gəlməyə kömək üçün vasitələr verə bilər. Və növbəti peyvəndləriniz ağrısız ola bilər.