Bill Qeyts - insan tarixinin ən görkəmli biznemen və filantroplarından biri olan bu şəxsiyyətin tərcümeyi halınnan danışaq.

William Henry Gates 28 oktyabr 1955-ci ildə Vaşinqton ştatının (ABŞ) Sietl şəhərində anadan olmuşdur. Microsoft-un əsas qurucusu olan Bill Qeyts planetimizdəki ən nüfuzlu persona və ən varlı insanlardan  biridir. Onun sərvəti ən son qiymətləndirilmələrə əsasən 84,2 milyard ABŞ dollarıdır (2017-ci ilin yanvar ayında aparılmış qiymətləndirmə). Bu bir neçə Afrika ölkəsinin iqtisadiyyatının ÜMD-sinə (Ümumi Daxili Məhsul) bərabərdir. Son illərdə o, Microsoft-da tam iş saatıyla işləmir və bunun əvəzinə bütün fikrini xeyriyyə fondu olan "Bill və Melinda Geyts Vəqfi" üzərində işləmək üçün cəmləyir.

Bill Qeyts erkən yaşlarında

Atası William Gates baş hüquqşünas, anası Mary isə böyük bir bankda icraçı vəzifəsində çalışırdı. Onun ailəsi varlı idi, lakin onlar Böyük Böhran dövründə olan çətinlikləri xatırlayaraq övladlarını çox çalışmağı və heçkimdən heçnə gözləməməyi öyrətmişdilər.

13 yaşı olan Geyts özəl Lakeside məktəbində təhsil alırdı. Qeyts məhz burada ilk dəfə kompüterlərlə tanış oldu. O, sadə proqlamlaşdırma dillərini öyrənərək kompüterdə sadə 'Tic-Tac-Toe' oyununu düzəltdi. Qeyts kompüterlərlə işləmək prosesindən həzz alırdı. Buna görə də, o, Computer Center Corporation (CCC) ilə razılaşaraq onların kompüterlərində vaxt keçirir və bu vaxt ərzində  Fortran, Machine Code və Lisp kimi mənbə kodlarını öyrənirdi.

1973-cü ildə Qeyts Harvard universitetinin riyaziyyat və kompüter elmləri fakültəsinə qəbul oldu. Lakin, Qeyts öz yazdığı kodlara daha çox maraq göstərirdi və bu səbəbdən öz şirkətini qurmaq üçün imkan tapan kimi təhsilini bitirmədən Harvard universitetindən çıxdı.

Microsoft-un qurucusu olaraq Bill Qeyts

Bill Qeyts, yeni mikrokompüterləri üçün əsas əməliyyat sistemi hazırlamaq üçün MITS (Micro Alətləri və Telemetriya Sistemləri) ilə müqavilə bağladı və 1976-cı ildə Microsoftu qurdu. İlk zamanlarda Bill Qeyts kodların hər bir sətrini özü nəzərdən keçirirdi. O, həmçinin Microsoft-da sifarişlərin qablaşdırılması və göndərilməsi kimi bir çox işlərdə iştirak etmişdir.

Microsoft üçün böyük fürsət 1980-ci ildə, IBM-in yeni kompüterləri üçün əsas əməliyyat sistemi qurmaq üçün onlara müraciət etməsi ilə gəldi. 1980-ci illərin əvvəllərində, IBM aparıcı PC istehsalçısı idi. Beləliklə, getdikcə onlar bir çox IBM PC klonlarını (IBM-lə uzlaşan digər şirkətlər tərəfindən istehsal olunan kompüterlər) təkmilləşdirdilər. Microsoft əməliyyat sistemini bu şirkətlərə satmaq üçün çox ciddi çalışdı. Beləliklə, fərdi kompüter bazarı böyüməyə başlayan kimi Microsoft proqram təminatı bazarında aparıcı mövqe əldə edə bildi. Microsoft bu erkən aparıcılıq mövqeyini əldə edəndən bəri, digər şirkətlər Microsoft-u kompüter əməliyyat proqramlarının əsas tədarükçüsü kimi sıradan çıxarmaq üçün mübarizə aparırlar. Microsoft Word və Excel kimi proqramlar sənaye standartına çevrildi.

Bill Qeyts- Windows

1990-cı ildə Microsoft ilk Windows versiyasını buraxdı. Bu əməliyyat sistemində mətn interfeyslərinin qrafik interfeyslər ilə əvəz edilməsi proqramlama tarixində böyük bir irəliləyiş idi. Tezliklə o, ən yaxşı istehsalçı oldu və əməliyyat sistemi bazarının əksər hissəsini ələ keçirdi. 1995-ci ildə əməliyyat sistemi üçün yeni standartlar və xüsusiyyətlər təyin edilərək, Windows 95 buraxıldı. Windows-un bu versiyası Windows 2000 də daxil olmaqla bütün buraxılışların əsası olmuşdur.

Bill Geyts vəzifədə olduğu müddətdə Microsoftun işlərini böyütməyə can atırdı. Məsələn, əksər yeni kompüterlərdə əvvəlcədən quraşdırılması ilə, Microsoft Internet Explorer aparıcı veb brauzer oldu. Son illərdə Internet Explorer-in bazar payının düşməsi müşahidə olunub.

Microsoft heç vaxt araşdırma motorları sahəsində uğurlu olmamışdır. MSN axtarış motoru bazar payının 5% -dən çoxunu qazanmaqda çətinlik çəkdi. Bu baxımdan Microsoft şirkəti Google-un kölgəsində qaldı. Buna baxmayaraq, Microsoft-un proqram və texnoloqiya bazarının müxtəlif sahələrini əhatə etməsi bir çox güvənirlilik problemlərinə səbəb oldu. 1998-də Microsoft üç kiçik firmaya bölünmə təhlükəsi ilə qarşılaşdı. Bununla baxmayaraq Microsoft tək bir firma olaraq qalmağı bacardı. Microsoft 1980-ci və 1990-cı illərin aparıcı kompüter firması olsa da, daha dinamik Google və Apple ilə müqayisədə hal hazırda yaşlanmış və tənəzzül edən bir şirkət olaraq görülür.

Bill Qeytsin xeyriyyəçilik fəaliyyətləri

Bill Gates Melinda French ilə evlidir(1992-ci ildə evləniblər). Onların üç uşağı var- Jennifer (1996), Rory (1999) və Phoebe (2002). Həyat yoldaşı ilə Bill Gates “Bill və Melinda Vəqfi”-ni qurdu. Bill Gates deyir ki, o, David Rokfellerdən ilhamlanmışdır. Rokfeller kimi Geyts də hökumətin göz ardı etdiyi qlobal məsələlərə diqqət yetirirdi. O həmçinin ABŞ-da \ məktəb təhsili standartlarının yaxşılaşdırılmasına maraq göstərirdi. Oprah Winfrey ilə bu hədəfə çatmaq üçün iş birliyi etdi. Xeyriyyəçi fəaliyyətlə əlaqədar olaraq Geyts, Geyts Fondu vasitəsi ilə 17 milyard dollar vermiş investor Warren Buffetdən də dəstək aldı. Qeyts 'boş proyektlərdən' daha çox əhalinin sağlamlığını yaxşılaşdıran mövzulara üstünlük verməyə çalışırdı. O, 2009-cu ildə bir TED konfransında çıxış edərək, malyariya haqqında danışdı.

“ Paradoks budur ki, (malyariya) yalnız kasıb ölkələrdə görülür, bu səbəbdən də xəstəliyə çox sərmayə ayrılmır. Məsələn, saç tökülməsinə qarşı dərmanla yatırılan sərmayə malyariyaya yatırılan sərmayədən daha çoxdur. Deməli, saç tökülməsi dəhşətli bir şeydir [tamaşaçıların qəhqəhəsi] və bundan ən çox varlı insanlar əziyyət çəkir. Buna görə də bu problemə daha çox sərmayə ayrılır. ”

2008-ci ildən Qeyts xeyriyyəçilik maraqları üzərində işləyir. Qeyts və həyat yoldaşı Melindanın global olaraq sağlamlığın yaxşılaşdırması ayrılan 8 milyard dollar daxil olmaqla, xeyriyyə fondu vasitəsilə ümumi olaraq 28 milyard dollar vəsait xərclədiyi təxmin edilir.

Qeyts pulun bir əhəmiyyətinin olmadığını və var-dövlətinin yalnız kiçik bir hissəsini övladlarına verəcəyini söylədi. Qeyts Daily Telegraph-a verdiyi müsahibədə deyir:

“Mən əlbəttə ki, yemək və geyim baxımından onlara çox qayğı göstərmişəm. Müəyyən bir nöqtədən sonra pulun mənim üçün böyük bir əhəmiyyəti yoxdur.”

Onun xeyriyyətçilik üzrə ən çox maraq göstərdiyi sahələr sağlamlığı yaxşılaşdırmaq və xüsusilə gənc uşaqlara təsir edən poliomielit kimi xəstəliklərin qarşısının alınmasına kömək etməkdir. O, ekoloji problemlərə də çox diqqət ayırmışdır. O, 2015-ci ildə təmiz enerji layihəsinə 1 milyard dollar verdi. Çünki o, yeni 'yaşıl' texnologiyaların istifadəsinin global istiləşmənin qarşısının alınmasında köməkçi bir vasitə olaraq görürdü. Xeyriyyə addımlarının motivi barədə suallara Geyts belə cavab verir:

“Bu xüsusi bir dinə aid edilməməlidir, bu temamilə insan ləyaqəti və bərabərlik ilə bağlıdır. Qızıl qayda budur ki, bütün canlıların dəyəri eynidir və insanların bizimlə necə rəftar etməsini istəyiriksə onlarla elə rəftar etməliyik.”

Bill Qeytsin mənsub olduğu din

Bill Gates hər hansı bir dinə mənsub deyildir və müəyyən bir inanc sistemini izlədiyini xüsusi olaraq bildirməmişdir. Katolik Kilsəsinin xidmətlərində iştirak etməsinə baxmayaraq, elmi bir nöqteyi-nəzərdən həyata yaxınlaşdığı barədə fikirlərini bildirmişdir.

Əlavə olaraq, Allaha inandığını soruşduqda, Gates cavab verir:

“Məncə dinin əxlaqi qaydaları çox vacibdir. Uşaqlarımızı dinin qaydalarına əsasən böyütmüşük. Onlar Melindanın getdiyi və mənim iştirak etdiyim katolik kilsəsinə gediblər. Mən həyatım boyu çox şanslı olmuşam və buna görə də dünyadakı bərabərsizliyi azaltmaq üçün çalışmağa borcluyam. Bu da bir dini, ən azından mənəvi bir inancdır. "- 27 Mart 2014.

"Düşünürəm ki, Allaha inanmaq məntiqlidir, amma buna görə həyatda fərqli qərarlar verməyin məntiqli olduğunu deyə bilmərəm."