Dubayda yaşayış və kommersiya mülkləri üçün tikilən süni adalar necə yaradılır?

Bu barədə bu günki məqalədə.

Dubay Birləşmiş Ərəb Əmirliklərinin tərkibinə daxil olan bir şəhərdir. Orada lazım olduğundan daha çox qum var. Ərəbistan yarımadasını əhatə edən səhradan götürülən qum, çox kiçik olduğundan süni adalar qurmaq üçün istifadə edilə bilməz. Turistlərə yalnız qum səpilmiş bütün bir çimərliyi təklif etsələr, onların xoşuna gəlməyəcəkdir. Həmçinin, bu qum uzun müddət çimərlikdə qala bilməz, çünki külək onu asanlıqla bir yerdən başqa yerə aparır. Süni adalar üçün qum yalnız Fars körfəzinin sahillərindən gətirilir.

Xüsusi böyük bir gəmi nəhəng xortumu ilə körfəzin dayaz hissələrindən qumu çıxarır. Sonra onu Dubay sahilinə gətirirlər və ondan adalar düzəldirlər. Elə həmin gəminin köməyi ilə də kiçik qum təpələrini dənizin dibinə tökürlər. Gələcək adaların alt qatını belə düzəldirlər, bu zaman təməl kifayət qədər güclü alınır. Sonra onun üzərinə gəminin anbarından qum tökülür. Onu bir nasos vasitəsi ilə yüksək bir qövsdə səpələyirlər.

Dalğalar təsadüfən bu quru bölgələrini yumasın deyə, adaları bir halqa ilə əhatə edən “maneə rifləri” ilə dövrələmişlər. Bu hasarların qurulmasında digər texnologiyalar da istifadə olunur. Əvvəlcə qum tökülür, sonra onu bir parça ilə örtürlər, üzərinə orta ölçülü daşlar və çınqıllar dökülür. Bu cür hasar hətta dörd metr yüksəkliyə ucalan dalğaların da qarşısını ala bilər.