Kraliça II Elizabetin bioqrafiyası bizim bu günki məqaləmizin mövzusudur.

Kraliça  Elizabet 1952-ci ildə Avropa ölkələrinin ən boyük ölkəsinin başçısı və Ingiltərə kilsəsinin ali idarəçisi elan edildi.

O, ən uzun müddət xidmət edən İngiltərə monarxıdır. Həm Kral ailəsi, həm də Böyük Britaniya daxilində yarım əsrdən çox davamlı rəhbərlik etmişdir və edir. Elizabet, Şahzadə Albert(VI George) və həyat yoldaşı Elizabethin (sonralar Kraliça Ana kimi tanınan) ən böyük övladı idi. Elizabetin atası Şahzadə Albert qardaşı VIII Edvard-dan sonra taxta 2-ci namizəd idi, lakin 1936-cı ildə VIII Edvard taxtdan imtina etdi, yerini isə utancaq qardaşı Albertə vermək istəyirdi. VI George taxta gəlməyi qəbul etdi, lakin 1952-ci ildə həyatını itirdi.

Elizabeth bacısı Şahzadə Marqaret ilə birlikdə evdə təhsil almışdır. İkinci Dünya Müharibəsi zamanı onlar Balmorala, sonra isə Windsor qalasına təxliyyə edildi. 1945-ci ildə müharibənin sonuna doğru, Elizabeth sürücü və təmirçi olaraq fəaliyyət göstərdiyi “Qadın Kraliyyət Köməkçisi regional xidməti”-nə qoşuldu. O, müharibədən sonra tədricən dövlət qulluğunda rolunu artırdı və ilk xarici səfərini 1947-ci ildə Cənubi Afrikaya etdi. 21 yaşına çox az müddət qalmış o bunları demişdi:

"Sizin hüzurunuzda bildirirəm ki, bütün ömrüm boyu, özümü sizin xidmətinizə və hamımızın mənsub olduğumuz böyük imperial ailəmizin xidmətinə həsr edəcəyəm."

Elizabet 1947-ci ildə Vestminsterdə keçirilən mərasimlə Yunanıstan və Danimarka şahzadəsi Filip ile evləndi. Onlar bir-birlərini bir neçə il idi ki, tanıyırdılar. Filipin inglis olmadığı səbəbindən bəzi insanlar bu evliliyə qarşı olsada, onun  kral donanmasındakı xidmətləri daha üstün hesab edildi. Şahzadə Filipin xaricilər haqqında ziddiyyətli fikirləri olsa belə, onların 70 ilə yaxın xoşbəxt evliliyi  olub. Elizabet 1948-ci ildə gələcək Şahzadə Çarlzı, ilk övladını dünyaya gətirdi. Ümumilikdə onların dörd övladı var. (Carlz, Anne, Andrew, Edward)

 1952-ci ildə atası VI George vəfat etdi və Kraliça Elizabet böyük təntənə ilə Kraliça tacına layiq görüldü. Onun tacqoyma mərasimi bütün dünyada TV rekordlarını qırdı, eyni zamanda monarxiya və Britaniya Birliyi üçün yeni bir dövr başladı. Edmund Hilarinin Everest dağının zirvəsinə çatdığı xəbəri, tacqoyma mərasimi  ilə üst-üstə düşdüyü üçün təxirə salındı. Bu mərasim, müharibədən sonrakı sərtliyin simvolik bir sonu kimi nümayiş olundu.

1950-ci illər Kraliça üçün qızıl dövr kimi qiymətləndirilə bilər. Kral ailəsinə hörmət hələ də yüksək idi və gənc Elizabet nağıl şahzadələrinə bənzəyirdi.   Ancaq sonrakı bir neçə onillikdə geniş yayılmış sosial dəyişikliklər monarxiyaya qarşı ənənəvi münasibətlərin azaldığını göstərdi. Bununla yanaşı, yeni televiziya dövrü və sıx media araşdırmaları Kraliyyət uşaqlarının ailə problemləri ilə bağlı arzuolunmaz başlıqları olan saysız-hesabsız məqalələr yazılmasına səbəb oldu.

Kral ailəsi üçün  1977-ci ildə 'Gümüşü yubiley' və 1981-ci ildə Şahzadə Charles və Lady Diananın toyu kimi əhəmiyyətli mərasimlər keçirildi. 90-cı illərə qədər, mediada şahzadə Dianaya geniş bir heyranlıq var idi, lakin evliliyi ilə bağlı yaranmış  problemlərə görə Kraliça medianın maraq dairəsindən getdikcə uzaqlaşırdı. O, 1992-ci ilin onun üçün “annus horribilus” (uğursuz il) olduğunu bildirdi. Həmin il Çarlz və Diananın boşanması, Windsor-dakı yanğın və Kral ailəsini tənqid edən başqa media başlıqları tez-tez görülürdü.

“1992 geri dönüb zövqlə baxacağım bir il deyil. Simpatiyam olan müxbirlərimin birinin sözləri ilə desək, bu 'Annus Horribilis' oldu.”  -  Kraliça Elizabet

1996-cı ildə Şahzadə Diana avtomobil qəzasında vəfat etdi. Maraqlı fakt odur ki Kraliça bu hadisəyə soyuq yanaşaraq münasibət bildirməmişdi və bayrağı yarıya endirməkdən imtina etmişdi. Bunu görən cəmiyyət dəhşətə gəldi.  Lakin  sonralar kraliça, Şahzadə Dianaya olan heyranlığını bildirdikdən sonra düşmənçilik aradan qalxmışdı. Buna baxmayaraq, Şahzadə Diana ilə Kraliça arasındakı münasibətlər  'soyuq' olaraq xarakterizə edilirdi. Müharibədən sonrakı çox çətin olan dekolonizasiya dövründə Kraliça Birləşmiş Millətləri yaratmaqla tarixə bir iz atdı və bu hamı tərəfindən böyük rəğbətlə qarşılandı. Birləşmiş Millətlər Təşkilatındakı bir çıxışında, 2010-cu ildə birlikdə çalışdıgı ölkələrin əhəmiyyətindən danışdı:

"Gələcəkdə, həqiqətən Birləşmiş Millətlər olmaq istəyiriksə, hamımız bütün gücümüzlə birlikdə işləməliyik”

1990-cı illərin çətinliklərini arxada qoyduqdan sonra, 2000-ci ildə kraliyyət ailəsi öz nüfuzu yenidən qazanmışdı. 1992-ci il onun üçün “annus horribilus” (uğursuzluqlar ili) olsada, 2012-ci il onun üçün “annus mirabilis” (uğurlu il) idi. İlk olaraq aprel ayında şahzadə Uilyam Kate Middleton ilə təmtəraqlı şəkildə evləndi. Sonra yayda keçirilen, “Qızıl Yubiley” yağışlı havaya baxmayaraq geniş şəkildə qeyd edildi və məhşurlaşdı. Nəhayət, 2012-ci ilin iyul ayında, Kraliçə Elizabet qlobal əhəmiyyətli tədbir olan  London Olimpiadasının açılış mərasimində iştirak etdi. Dövlət başçısı olduğu dövrdə Kraliça Elizabet siyasi məsələlərə qarışmaqdan çəkinməyə və millətə mülayim münasibət göstərməyə çalışırdı.

"Biz mülayim, praqmatik insanlarıq, nəzəriyyə ilə müqayisədə təcrübə ilə daha rahatıq." (30 aprel 2002)

O, sədaqətli bir xristiandır və Miladla bağlı danışıqlarında dini inanclarını tez tez dilə gətirir. Ancaq İngiltərə Kilsəsinin başı olaraq, o bütün fərqli inancların hüquqlarını qorumaqda qərarlı olduğunu bildirib.

"Yaratdığımız kilsə anlayışı bəzən səhv başa düşülür və deyərdim ki, ümumiyyətlə aşağı qiymətləndirilir. Onun rolu yalnız Anqlikanizmi qorumaq deyil, kilsənin vəzifəsi bu ölkədə olan bütün dinləri qorumaqdır"