Qrip - ən geniş yayılmış yolxucu xəstəliklərdən biridir. 

Qrip haqqında 7 təhlükəli əfsanədən bu günki mövzumuz. O KRVİ qrupuna aid olub, qrip virusu sayəsində törənir. Biz bu xəstəliyi müşayiət edən zərərli əfsanələr haqqında bəhs edəcəyik.

1. Antibiotiklər qrip virusunu məhv etməyə kömək edir  

Qrip — viruslu infeksiya olub, onun əleyhinə antibiotiklər faydasızdır. Yalnız xəstəliklər bakteriyalar vasitəsilə törəndikdə bu preparatlar  effektivdir. Buna görə də, antibiotiklər ilə viruslara qalib gəlmək mümkün deyildir, siz yalnız antibiotiklər vasitəsilə sizin orqanizminizdə məskunlaşan faydalı bakteriyaları məhv edəcəksiniz.

2. Yalnız xəstələnmiş insan ağzına cuna maskası taxa bilər

Müdafiə vasitələrindən sağlam insanlar da istifadə etməlidirlər. Beləliklə, siz infeksiya üçün əlavə maneə yaradacaqsınız. Bundan savayı, qripə yoluxan hər kəs maska taxmır.

Həmçinin unutmaq lazım deyildir ki, üzdəki maska — sağaldıcı vasitə deyildir. Məsələn, nəqliyyatdakı tutacağa toxunaraq da digər yollar ilə bu xəstəliyə yoluxmaq mümkündür.

3. Əgər siz ötən il xəstələnmisinizsə, o zaman bu il artıq xəstələnməyəcəksiniz

Viruslar mutasiyalara meyllidir, buna görə də qrip daima dəyişilir. Bu səbəbdən on ildə bir dəfə deyil, stabil olaraq ildə bir dəfə qrip əleyhinə peyvənd etmək lazımdır.

Buna görə də, bir mövsüm ərzində xəstəliyin bir neçə müxtəlif yarım tiplərinə yoluxmaq mümkündür.

4. Əgər əlamətlər yoxdursa, deməli siz qripə yoluxmamısınız.

Siz ilk əlamətlərin meydana çıxmasına qədər iki sutka ərzində ətrafdakılar üçün təhlükəyə çevrilirsiniz. Daha sonra isə 5 günə qədər ətrafdakı insanlar ilə təmasdan yayınmaq lazımdır. Məhz bu müddətə qədər biz xəstəliyi yaya bilərik.

5. Qrip  — yüngül xəstəlikdir

Bir çox insanlar öz sağlamlığına kifayət qədər etinasız yanaşırlar. Onlar həkimə müraciət etmir, tövsiyyə olunan preparatlar ilə müalicə olunmur, yataq rejiminə riayət etmir, və xəstəliyi ümumiyyətlə ayaq üstündə keçirirlər. Unutmaq lazım deyildir ki, qripin gedişatı həddən artıq təhlükəli ola bilər, eləcə də, qripi vaxtlı – vaxtında müalicə etmədikdə, o fəsad yarada bilər.

6. Qripə yalnız qış mövsümündə yoluxurlar

İl ərzində bu məkrli virusa yoluxmaq mümkündür. Əlbəttə, bizim coörafi endə bu xəstəliyə yoluxmağın ən yüksək göstəricisi soyuq aylara təsadüf edir. Lakin əksər insanlar bu xəstəliyə mövsümlərarası dövrdə də yoluxurlar.

7. Qrip əleyhinə peyvənddən xəstələnmək olar

Əgər siz sağlam ola – ola peyvənd vurdurmusunuzsa, o zaman maksimum – sürətlə keçən yüngül halsızlıq hiss edə bilərsiniz. Vaksinasiya şəklində vurulan virus həddən artıq zəifdir və güclü immunitetin öhdəsindən gələ bilməz.